www.trassg.com
Mitoloxía
Páxina Principal

Mitoloxía

La mitoloxía ye un conxuntu de mitos, relatos que formen parte de la relixón o la cultura, creaos pa esplicar l'universu, l'orixen del mundu, los fenómenos naturales y cualquier otra cosa pa la que nun hai una esplicación cenciella. Anque non tolos mitos tienen por qué tener esti propósitu esplicativu, la mayoría de los mitos tan relacionaos con una fuerza natural o deidad, pero munchos son solo histories y lleendes que foron tresmitiéndose oralmente de xeneración en xeneración. Nesti apartáu, Trassg fálanos de la mitoloxía n'Asturies y nel mundu.


El Trasgu


El trasgu ye una criatura mitolóxica presente na tradición de munches cultures d'España y otros llugares d'Europa onde ye conocíu como duende,gnomo,silfu,kobold o pulpican.





Esti mitu ye d'orixen célticu-romanu y vien del norte d'Europa.

El trasgu suel vivir nes cases y facer trastaes,cambiar les coses de sitiu,escondeles. Facer ruidu poles nueches y asustar al ganáu. A vegaes represéntase como un home pequeñu y coxu de la pierna drecha,vestíu de roxo y con un gorru picudu tamién roxu. Dicen que tien un furacu na mano izquierda y qu'una forma de llibrase d'el ye facelu desesperase al ver que nun puede garrar granos de maiz, trigu o cualquier otru cereal que-y fuxe pel furacu. Esto o manda-y facer daqué imposible, como carretar un paxu d'agua o ablanquiar una pelleya de carneru negru .





Anque tamién dicen que cuando lu traten bien ye capaz hasta de trabayar na casa,faciendo toles llabores. Ye perdifícil desfacese d'él y cuando los dueños cambien de casa ta avezáu a siguilos y dalgunes vegaes hasta d'echar un gabitu na mudanza apurriendo oxetos escaecíos.



Y a veces diz:



Ya que todos vais


de casa mudada,


tamién yo me mudo


cola mio gorra encarnada.
















Tolos drechos reservaos. (c) Xosé Ramón Martín Ardines & Anxan Martín Arango - Diseñu Web: PAFF Estudios S.L.L. - Semeya de fondu: www.joseramongarcia.es

d